Главная » 2018 » Декабрь » 2 » Az.R–ku nuə xəbon .
15:15
Az.R–ku nuə xəbon .
Az.R–ku nuə xəbon .
--------------------
Çəmə muxbir xəbə dodə ki, noyabri 29-ədə Boku Olimpiya stadionədə çı Ağdami “Ğərəboğ” futbolə komanda çı Portuqaliya “Sportinq” klubi ğəbul kardəşe. Hənək de 6-1 (şəş-i) hisobi bə Lissoboni komandə xeyr orəxə. “Sportinq”i “Ğərəboğ” klubi vırtı-vılo karde ımi nişon dodə ki, Azərbaycanədə futbolən çı korrupsioneron dastədəy, bəvon futbol ne, çı futbolo çokə ğəzənc dələmud karde lozime. Imiyən ğeyd bıkəmon ki, Azərbaycanədə futbol çı vahabiyon dastədəy.
***
Boku şəhəri Sabunçu rəyoni 3 numrəynə noxəşxonə momonə şebədə Pərvanə nomədə qıləy həkim 10 ruj çimi bə nav bə dınyo omə əğıli, iyən çəy moə noxəşxonədə qirov oqətedə. Bımi səbəb əve ki, çı həminə əğıli xıyzon bə Pərvanə həkimi 100 mənot pul doe zınəşe, ısə boy Pərvanə çəvonku 500 mənot tələb kardedə.
Azərbaycanədə devlətə noxəşxonon bəpe bə əhali bepul xidmət bıko, əmmo ım fakt i kərəən əy subut kardedə ki, Azərbaycani səhiyyə sistemən çı korrupsioneron dastədəy.
Bı məsələ barədə omə bərnomonədə qeş-qeşi məlumat bədomon.
***
Noyabri 29-30 arədə Azərbaycani polisə orqanondə 107 qılə cinayətə fakt bə qeyd səşone, 39 kəs həbs kardə bə, 2 kəs ısə avtomobilə ğəzoədə mardə.
***
Çı Azərbaycani Mudafiə Vəzarəti mətbuatə xidməti kanə rəhbər Eldar Sabiroğlu bə Azərbaycani xəlği nubətinə ovardemonədə zindonədə bəçəy zoə - Rufət Səfərovi sə vardəbə mısibətonku qəp jəşe. Bə radio məsəkəson yod buəmon ki, Rufət Səfərov prokuratura sistemədə ko kardedəbe. Əv bə rışvəxorəti etiraz karde səbəb çı prokuratura sistemo istefa doə bə peşt həbs kardışone. Sabiroğlu məxsusi qeyd kardedə ki, çəy zoə zindonədə bə çarmıx kəşəşone, əv de dubinka, de ləğı, de mışti ənnə kuəşone ki, əy holyət kardəşe. Peşo əvşon çı çarmıxo okardə, sementə poli səpe olxortınyəşone və bə çəy sə i vedrə sardov ekardəşone. Əv bəştə oməcəğin polison bəçəy sə de ləğı jəşone ki, əv ijənən holyət kardəşe. Eldar Sabiroğlu iddio kardedə ki, çəy zoə zindonədə har səfə jıqo kuədə bəy votedən ki, ısət bəzıneş bə vətəni, bə prezidenti xəyonət kardəkəsi hol çoknə bəbe.
İmən əy nişon dodə ki, de Azərbaycani məmuron məntiqi, əqər xonəxo rışvə se-doe pidəşnıbu, əv bə vətəni və bə prezidenti xəyonət kardedə.
***
Noyabrə manqi 28-29-ədə Ermənistani paytaxt Yerevan şəhərədə Siyo dıyo İqtisadi Həmkarəti Mərənqo Parlamentə Məclisi 52-minə Plenar Sessiya dəvonyəşone. Həminə sessiyada Azərbaycani Milli Məclisi uzvon – Aqrarə Siaysətə Komitə sədri müavin Eldar Quliyev, iyən deputat, Azərbaycani Mətbuatə Şura sədr Əflatun Amaşovi şirkət kardəşone. Har dıqlə deputat sessiyadə de məruzə sıxan kardəşone. Əvon Yerevani məçitən ziyarət kardəşone, əyo şikil kəşəşone.
Категория: sosial şəbəkə | Просмотров: 269 | Добавил: tmmrtalish | Рейтинг: 0.0/0
Всего комментариев: 0
Подписка: 1 Код *:

Категории раздела
Календарь
«  Декабрь 2018  »
ВсПнВтСрЧтПтСб
      1
2345678
9101112131415
16171819202122
23242526272829
3031
Наш опрос
Оцените мой сайт
1. Отлично
2. Хорошо
3. Плохо
4. Ужасно
5. Неплохо
Total of answers: 10
Статистика

Онлайн всего: 1
Гостей: 1
Пользователей: 0