Главная » 2018 » Декабрь » 2 » Нахчываныжә тојфә “субетносә” синдром. Абел Мәһәррәмови тәшкил кардә мыштәдаве пештоно чич нијо бедә
00:38
Нахчываныжә тојфә “субетносә” синдром. Абел Мәһәррәмови тәшкил кардә мыштәдаве пештоно чич нијо бедә

Zaxireddin Ibragimi...

Нахчываныжә тојфә “субетносә” синдром. Абел Мәһәррәмови тәшкил кардә мыштәдаве пештоно чич нијо бедә 
-------------------------------------------------
Че Оз.Р һаким трајби арәдә мүбаризә бәштә кулминасија ноғтә рәседә. Ым һәвәшиә тојфә анәдә ғодур вә беһәјое ки, һокумәти тәркибәдә бә һар гылеј әвәзи бәштә али мәғами бәнә тәһдиди диә кардедә, че Президентику тәләб кардедә ки, бә жыго вәзифә мүтләғ бәпе чәвон Нахчыван-јераз тојфә нүмајәндә тәјин кардә быбо. Һакимијјәтәдә бә чәвон трајби аид ныбә одәмон вырә гәте бә тојфәдахили ғијами сәбәб бедә. Быми бәнә гылеј мисали Нахчыван Республика сәрдар Васиф хани бә мәркәзи табе ныбә чанд гылә фактон нишо дое бәбе. 
***
Дәвардә ружонәдә бә Боку иҹра сәрдари вәзифә Елдар Әзизови тәјин вә бә Кәмаләддин Һејдәрови һүҹумон зүманд бые чәвон тәшвиш тикиән зијод кардыше. Мәсәлә бымәдәј ки, Әзизов ләзги милләти нүмајәндәј, еј бә жыго әһәмијјәтинә пост тәјин бые нишон додә ки, Илһам Әлијев һәни бә Нахчыван-јераз тојфә етибо кардедәни. Ыштә һакимијјәти де Пашајевон дастәги мүһафизә карде фикир һестыше. Әмо чеј шәхси мүһафизә хидмәти рәис Бәјләр Әјјубови де Васиф Талыбови баҹәнәғ бые, чеј ым баҹәнәғиән нүмајишкаранә формадә Боку һокумәти ғәрарон инкар карде, бәвон табе ныбе вә әвони иҹра ныкарде, Илһами незәдә ғәрор гәтә ым вәзифәдари бо Нахчывани тојфә чанәдә әсасә, һәмән зүмандә фиғур бые бә мијон вардедә. Јәни Илһам Әлијев чанәдә диктатор быбоән чеј әтрофәдә мыжләм бастә ым трајб һәлә веј ғодрәтине, еј мәғлуб карде чәтин ки, бә Пашајевон клани нәсиб быбо.
***
Нахчывани клани бә Илһами режими һәмлон һәлә ки, 2 гылә истиғамәтәдә мүшаһидә бедә;
1) Мүхалифәти бә фәалә сијасиә аксијон старт дое мәһз бәнә Нахчывани клани ғијами диә карде лозиме. Әлијеви һокумәтән чими вәј седә ки, әһали бә мүтәшәккилә сијасиә ғыввә пеныгардо. Әмо содә ҹамаати бә һокумәти нифрәт анәдә зүманде ки, әвон Илһами де Меһрибани бә и ҹо че һакимијјәто сәрнегун карде ро амадә мандән, Әлијевон сүлалә һокумәтәдә ым тәфриғә тикиән нығыл, чәвон вәһдәт пыты-поә быбо, бәвәдә ым режими һич чи хилас карде нибәзыне.
2) Хариҹәдә озәр тыркә блогерон бә Илһами режими әлејһ јолә имиҹ ғәзәнҹ вә Оз.Р ҹәмијјәтәдә хејли аудиторија бәштә әтроф гырд карде зынәшоне. Ым, лозыми мәғамәдә чәвон бәнә Мисир вә Туниси һадисон ғәзинә Бокәдә мәркәзи игамәтгоһон бә даст овоштыние имкани бә әмәл вардедә. Бы коәдә блогер Ғурбан Мәммәдови роли мәхсуси ғејд карде лозиме. Еј че Јолә Британија һокумәти тәрәфо мүһафизә бејән бо һич кәси нијо ни.
Че Ғ. Мәммәдови әтрофәдә 1992-минә сори АХҸ һокумәти бәнә Пәнаһ Һүсејнов, Искәндәр Һәмидови “канә гвардија”, әсил һәғиғәтәдә исә канә дыздә дастә ҹәм бые, чеј Лондонику бә Оз.Р, һәмән бә Толышә ҹәмијјәти кардә овардымони мәғсәди сәпе рушнә еғандедә. И тәрәфәдә әвон бәнә 1990-92-минә сорон ғәзинә Ғәрәбоғи проблемику һакимијјәти бә даст овоштыние ро бәнә вонә истифадә карде, дыминә тәрәфәдә де “azərbaycanlı” номи сәнибәтон бә мејдон варде рој ыштә пантыркә хисләти епарчыние вә ғејри-тыркә халгон, әсасән толышон бәштә тәрәф окырние пидәшоне. 
Ысәт әвон һәтто нахчываныжон бәнә гылеј “субетноси” характеризә кардедән. Демиән ым тојфә Республика ҹәмијјәтәдә али мевғејәдә ғәрор гәте, һәмән бә чәвон Нахчыван номинә мүстәғилә девләтә статуси һүғуғиә әсос дое пидәшоне. “Субетнос” – бә жыго гылеј компакт жимон кардә әһали вотедән ки, әвон бә дыждә халги аидин, әмо дештә мәдәнијјәти, зывони че ым әсасә етносисән ғәдимә хүсусијјәтоншон һесте, ым фәрғи дәрәседән, ыштә етникә номшон һесте, чеј үзвон ејни вахтәдә бә әсасә етноси вә субетноси аид бые дәрк кардедән. 
Ысәт Ғ. Мәммәдови дебатонәдә Нахчываныжон бәнә әлејдә субетноси бә ғәләм дое нишон додә ки, әвон ыштәни че Озорбојҹони ҹәмијјәтику бәнә гылеј етникә ваһиди ҹо кардә мәрамшон һесте. Оз.Р чәвон тојфә зүлмику хилас бые тәғдирәдә әвон Нахчывани боштә бәнә мүстәғилә девләти мүдафиә бәкарден, чоко ки, Һејдәр Әлијеви че Мүтәллибови вә Елчибәги вахтонәдә ым пријомику истифадә кардыше, Оз.Р һокумәти вәсилонәдә лонә бастә де ыштә һәмтојфәон васитә чәвон һокумәт ғандыше вә ијо али һакимијјәт бәштә даст овоштонише. 
***
Бә жыго гылеј Һејдәри ғәзинә плани оме рәсе ро һәлә веј мәсафә мандә, әмо чеј контурон ысәтижо чидән. Васиф Талыбови бә Боку һокумәти табе ныбе, че Һејдәри 1990-92-минә сорон пријоми бә ко дәное еһтива кардедә. Бә Абел Мәһәррәмови Испанијадә тәшкил кардә мыштәдавејән бәнә тәсадүфи диә карде лозим ни. Ым дебошәдә че ММ дини комитә сәдр Сәјавуш Новрузовиән иштирак карде, чәвон бы һәвәшиә һәрәкәтәдә бә толышә мәншәнинә Шејхүлислами кардә һәмлә де плани вә нысығи тәшкил бә әмәл бые. 
***
Жыго гылеј сијасиә шәраитәдә бәс толышә милләт вә чеј тәшкилатон бәпе чич быкән? Әлбәттә, һәмишә де һокумәти һәмкарәти фикри тәблиғ кардә толышон ысәт бәвотен ки, әмә бәпе ым тојфәдахили тәфриғәдә че Пашајевон тәрәфәдә бымандәмон, әвонән толышин, әвон бә Русија тәрәфин, бә толышон симпатија һесышоне вә с. вә и.а. Чәвон жыго фикрон сәһв нәзәре, ым һаким тојфә – һәм Пашајевон, һәм Әлијевон бә толышон мүнасибәт ејние; толышон ассимилјасија бәнин, бә тырк пегардәнинин, сә бе ше! Бә толышон мүнасибәтәдә чәвон фикрон сәпејәнды егынидә. Чими бәпешт Пашајевон толышонәдә чанд кәси, һәтто назирән тәјин быкон, һәмонә назирон бә ым пантыркә девләти хидмәт бәкарден. Ыштәни бәштә “хозејни” вәфадар нишон дое ро бә толышон һәниән де әзми зүлм бәдон, чәмә милләти һәниән де беәмони етносид бәкарден. 
***
Бы сәбәбән ТМҺ һаким трајби арәдә егынә ым тәфриғәку бәштә мәнафе истифадә кардәнине. ТМҺ-и әсасә тактика чымәдә ибарәт бәнине ки, толышә тәшкилатон һич гылеј клани – јәни нә Әлијевон, нә Пашајевон тәрәфәдә мандедәнин.
Мүхалифәти исә ысәт че Нахчыван-јераз тојфә (јәни Әлијевон) мәнафе мүдафиә карде ше-ше бә ошко бешедә. Бы сәбәбән чәмә һәрәкати дәвон ваһид ҹәбһәдә фәалијјәт бардејән бә толышә мәнафе хејр нибәварде, чүнки ым мүхалифәт, һәм 1992-93- минә сорон һакимијјәтәдә беәдә, һәмән пешонә 25 сори дырози һәмишә бә толышон мәнфи мүнасибәтәдә быә, жыго мүнасибәтшон һәмишә ошко нүмајиш кардә, ысәтән ыми нијо кардедәнин. 
Ысәт Ғ. Мәммәдови тәшкил кардә дебатонәдә хејли толышә ләһҹәнинә одәмон деј бә мүкалимә дәгыние, беј малијјә комәкон карде бәмә жыго гылеј оҹизанә факти нишон додә ки, толышон арәдә хејли миғдарәдә мангуртә одәмон һестин, әвон тосә ысәт толышә милләти мәнафе дәрәсәнин, “azərbaycanlı” və “azərbaycançılığ”i әмәни бәнә зомби бә тыркон нокә пегордыниә мәғсәди фамедәнин, јәғин ки, чими бәпештән ныбәфамен.
***
Бо чәмә милләти фәрәһвардә ко әве ки, ым тыркә девләти вә чеј тојфә мүхалифәти бә толышон мүнасибәтәдә мәкр вә һијлә маһијјәти дәрәсә толышон миғдар ружбәруж веј бедә. Әвон толышә миллиә истиғлалә мүбаризә идејаон ғәбул кардедән вә беј тәрәфдар бешедән. Чәмә идејаон әһатә даирә һәниән һевуж карде, еј бә Оз.Р толышон һәмә тәбәғон росние – че ТМҺ әсасә вәзифонәдә гылеј бәнине. Быми ро әмә бәпе ыштә информасија васитон миғдари веј, бардә тәблиғати һәниән кејфијјәтин быкәмон. Быми ро бәмә толыши, озор-тырки вә руси зывони зынә кадрон лозимин. Незә вахтонәдә ТМҺ тожә сајт ыштә кој бино бәкарде. Әв һәмонә 3 гылә зывонәдә толышә милләти бардә мүбаризә һәхәдә бә әһандон информасија ебәдаште. Демиән толышә милләт ыштә мүбаризә әзми сәнибәтон бә дынјо ҹәмијјәти нишон бәдо. Ым мүбаризә әзми әсасә мәғз чымәдә ибарәте ки, әмә бә бејнәлхалғә аләми, һәмән бә Оз.Р пантыркә девләти нишон додәмон ки, ым девләт чәмә чанәдә информасија васитон че арә беко, чәвон әвәзи тожә ТВ, тожә сајт, тожә ружномә обәномон, чанәдә сијасиә фәалон де мүхтәлифә роон бәштә хидмәт овыштоно, чәмә мүбаризә ројку диәро быко, чәвон әвәзи бә чәмә рестә тожә, һәниән сәводинә, интеллектуалон умжән бәгыниен, ТМҺ-и һәниән ғодрәтин бәкарден. Чәмә һәрәкат бә толышә халги гылеј зүмандә овајз пебәгарде, де Хыдо комәки, ым зүлмкарә Әлијевон тојфә режими дәбәрыте, бә Каспи дыјо ебәкарде, иншааллаһ.
Быжио Толышстон, быжио толышә милләт!!!

Категория: Talish xabon | Просмотров: 221 | Добавил: tmmrtalish | Теги: Zaxireddin Ibragimi... | Рейтинг: 0.0/0
Всего комментариев: 0
Подписка: 1 Код *:

Категории раздела
Календарь
«  Декабрь 2018  »
ВсПнВтСрЧтПтСб
      1
2345678
9101112131415
16171819202122
23242526272829
3031
Наш опрос
Оцените мой сайт
1. Отлично
2. Хорошо
3. Плохо
4. Ужасно
5. Неплохо
Total of answers: 10
Статистика

Онлайн всего: 1
Гостей: 1
Пользователей: 0