search
menu
person

NEWS AND UDATES


23:25
Həyf çı əvomə Tolışi, Əve çı xomə, Tolışi Mirfayaz Likməkani .
Həyf çı əvomə Tolışi,
Əve çı xomə, Tolışi


Kom tolışi səvod bedə
Dılmon qədəy obod bedə.
Əvən bəy_bımi bod bedə
Handdəni nomə, Tolışi.

Kom Tolış ki, məllo bedə,
Tolışi səy bəlo bedə.
İqlə koədəj "həlol" bedə-
Ğəv kay həromə Tolışi.

Kom tolış ki miəllim bedə,
Əv pandədə həlim bedə.
Co zıvonon alim bedə
Xəyıj nibomə Tolışi.

Kom tolış ki doxtur bedə,
Cifiş de rışvə pur bedə.
Bəy lozim ni çı cur bedə
Kıştdə nokomə Tolışi.

Kom Tolış ki şair bedə,
İminnə Tolışə şir bedə.
İ ruj qarddə şiqir bedə
Das bə vaxt omə tolışi!

Kom tolış ki tolış bedə,
Əv çı milləti peşt bedə.
Millət dəvonnə xəş bedə
Omdə iqomə Tolışi..

Mirfayaz Likməkani
2018 , Nur-Sultan
Category: Tolişə poeziya. | Views: 56 | Added by: tmmrtalish | Rating: 0.0/0
Total comments: 0
avatar
$ COM_IS_ACTIVE $  $ COM_NUM_ENTRIES $