search
menu
person

NEWS AND UDATES


21:21
Nıbu Dave!
Nıbu Dave!

Be dave dınyo hərəbaxt
Hov hərəbaxt, bo hərəbaxt.
Har tərəf, har co hərəbaxt
Nıbu dave!

Kə nırıjyo xızonisə
Kafte rohət bu lonisə.
Epər-pebəru bonisə
Nıbu Dave!

Oxo çomon dave karddə?
Har kəs cılməy nune harddə
Kali, təylədaste marddə
Nıbu Dave!

Dave nıkə pı-moon ğır,
Əğılonjon yətim-səğır,
Ço bıbəmon fəğır-fəğır?
Nıbu Dave!

Hırdənon bə məktəb bışon
Bavon xoş bıbu qardışon.
Conon nıbun qullə nışon
Nıbu Dave!

İrağədə, Suriyədə
Əfğanıston Liviyədə
Hiç şəhərdə, hiç diyədə
Nıbu dave!
Nıbu dave!

Mirfayaz Likməkani
09.10.2019
Bişkek
tolishstan.com
Category: TOLIŞİ POEZİYA . | Views: 69 | Added by: tmmrtalish | Rating: 0.0/0
Total comments: 0
avatar
$ COM_IS_ACTIVE $  $ COM_NUM_ENTRIES $