Hilal Mamedov

Yaşasın Xalqın qədim və mübarək ənənələri! 
(Fədakar dostumuz və məsləkdaşımız Гусеунгулу Мамедли (Hüseynqulu Məmmədli)nin əziz xatirəsinə)

Ta qədim zamanlardan çəltıkçılık - Talışların əsas təsərrüfat məşğuliyyəti olmuşdur. Taxıl əkin-biçinində qız-qadınların zəhməti kişilərdən xeyli artıq və hətta ağır olardı...Bununla belə, ana və bacılarımızın, qız və gəlinlərimizin böyük ruh yüksəkliyi ilə dəstə-dəstəyə ayrılıb oxuduqları xor mahnılarının sədaları bütün tarlalara yayılardı... Min illərdən bəri davam etməkdə olan bu qədim taxılçılıq sənətimiz bir müddət (1950-80-ci illərdə) ortadan qaldırılsa da keçən əsrin (əsasən) 1992-93-cü illərindən başlayaraq yenidən Talışda bərpa edilməyə başlandı... O vaxtlar Lənkəranın İcraiyyə Komitəsinə yeni rəhbər seçilmiş Hüseynqulu Məmmədov bu sahədə əlindən gələni əsirgəmir, yaşlı və təcrübəli insanlarla yanaşı, hətta öz doğma Anasını da bu işə cəlb etmişdi... Hüseynqulu müəllim yuxarıda qeyd etdiyimiz o qədim folklor ənənəmizi – ana-bacıların, qız-gəlinlərin həmin xor ifalarını da unutmamış və Talış folklor kollektivini də əkinə dəvət etmişdi... Məhz aşağıdakı statusumuzda Yəhya Hətəmov da həmin tədbirin ifaçılarından idi... 
Əziz dostlar! Ümidvarıq ki, rəhmətlik dostumuzun arxivindən sizə təqdim etdiymiz bu 3 dəg-k video-çarxın sonunda onun gözlərindəki o xoş-nikbin ruhlu təbəssümü - Xalqının xoş-parlaq gələcəyinə ümidli baxışlarını da nəzərdən qaçırmayacaqsınız.. Bu gün 69 yaşı tamam olur Hüseynqulu müəllimin... Qətiyyən şübhə yoxdur ki, minlərlə digər xeyirli əməlləri kimi, bu kimi xoş-mübarək tədbirləri də onu daim Xalqının qəlbində yaşadacaqdır... Ruhu şad olsun əziz dostumuzun...Bir daha əzizlərinə (oğlu Anar Xəyali və d.) də Allahdan səbr diləyirik...